౧. నమామి సర్వలోకానాం జననీ మబ్ధిసంభవామ్!
శ్రియం మునీంద్ర పద్మాక్షీం విష్ణువక్షఃస్థల స్థితామ్!!
౨. పద్మాలయాం పద్మకరాం పద్మపత్ర నిభేక్షణాం!
వందే పద్మముఖీం దేవీం పద్మనాభపిర్యా మహమ్!!
౩. త్వం సిద్ధిస్త్వం స్వధా స్వాహా త్వం సుధా లోకపావనీ!
సంధ్యా రాత్రిః ప్రభాభూతిర్మేధా శ్రద్ధా సరస్వతీ!
౪. యజ్ఞవిద్యా మహావిద్యా గుహ్యవిద్యా చ శోభనే!
ఆత్మవిద్యా చ దేవీ త్వం విముక్తి ఫలదాయినీ!!
౫. అన్వీక్షకీ త్రయీ వార్తా దండనీటి స్త్వమేవచ!
సౌమ్యా సౌమ్యైర్జగద్రూపై స్త్వయైతద్దేవి పూరితమ్!!
౬. కాత్వన్యా త్వామృతే దేవీ సర్వయజ్ఞమయం వపుః!
అధ్యాస్తే దేవదేవస్య యోగచింత్యం గదాభ్రుతః!!
౭. త్వయా దేవి పరిత్యక్తం శకలం భువనత్రయం!
వినష్టప్రాయ మభత్త్వయేదానీం సమేధితమ్!!
౮. దారాపుత్రా స్తధాగారా స్సుహృద్ధాన్య ధనాదికమ్!
భవ్యతే తన్మహాభాగే నిత్యం త్వద్వీక్షణాన్నృణాం!!
౯. శరీరారోగ్య మైశ్వర్య మరిపక్ష్మక్షయస్సుఖమ్!
దేవిత్వద్దృష్టిదృష్టానాం పురుషాణాం న దుర్లభం!!
౧౦. త్వం మాతా సర్వలోకానాం దేవదేవో హరిః పితా!
త్వయైత ద్వివిష్ణునా చాంబ జగద్వ్యాప్తం చరాచరం!!
౧౧. మా నః కోశం తథా గోష్ఠం మా గృహం మా పరిచ్ఛదమ్!
మా శరీరం కళత్రం చ త్యజేథా స్సర్వపావని!!
౧౨. మా పుత్రాన్ మాసుహృద్వర్గాన్ మా పశూన్ మావిభూషణం!
త్యజేథా మమ దేవస్య విష్ణో ర్వక్షస్స్థలాలయే!!
౧౩. సత్త్వేన శౌచ సత్యాభ్యాం తథా శీలాది భిర్గుణ్యైః!
త్యజ్యంతే తేనరాస్దద్య స్సంత్యక్తాయే త్వయామలే!!
౧౪. త్వయావలోకి తాస్సద్య శ్శీలాద్యైస్సకలైర్గుణైః!
ధనైశ్వర్యశ్చ యుజ్యంతే పురుషా నిర్గుణా అపి!!
౧౫. సశ్లాఘ్య స్స గుణీ ధన్య స్స కులీన స్స బుద్ధిమాన్!
స శూర స్స చ విక్రాంతో యం త్వం దేవి నిరీక్షసే!!
౧౬. సద్యోవైగుణ్య మాయంతి శీలాద్యాస్సకలా గుణాః!
పరాజ్ఞ్ముఖీ జగద్ధాత్రీ యస్యవితం విష్ణువల్లభే!!
౧౭. న తే వర్ణయితుం శక్తా గుణాన్ జిహ్వాపి వేధసః!
ప్రసీద దేవి పద్మాక్షి మాస్మాంస్త్వాక్షీ: కదాచన!
౧౮. ఏవం శ్రిస్సంస్తుతా సమ్యక్రాహాదృశ్యాశతక్రతుమ్!
పశ్యతాం సర్వదేవానాం సర్వభూత స్థితా ద్విజ!!
౧౯. పరిష్టాతుస్మి దేవేశ స్తోత్రేణానేన తే హరే!
వరం వృణీష్వ యస్త్విష్టో వరదాహం తవాగతా!!
౨౦. వరదా యదిమేదేవి వరార్హోయది చాప్యహమ్!
త్రైలోక్యం న త్వయా త్యాజ్య మేష మేస్తు వరః పరః!!
౨౧. స్తోత్రేణ యస్త్వథై తేన త్వాం స్తోప్యద్యబ్ధిసంభవే!
స త్వయాన పరిత్యాజ్యో ద్వితీయోస్తు వరో మమ!!
౨౨. త్రైలోక్యం త్రిదశశ్రేష్ఠ న సంత్యక్ష్యామి వాసవ!
దత్తో వరోమయాయంతే స్తోత్రారాధన తుష్టయా!!
౨౩. యశ్చసాయం తథాపాత్రః స్తోత్రేణానేన మానవః!
మాంస్తోప్యతి న తస్యాహం భవిష్యామి పరాజ్ఞ్ముఖీ!!
౨౪. ఏవం దదౌవరౌ దేవీ దేవరాజాయ వైపురా!
మైత్రేయ శ్రీర్మహాభాగా స్తోత్రారాధన తోషితా!!
౨౫. భ్రుగోః ఖ్యాత్యాం సముత్పన్నా శ్రీ: పూర్వముదథేః పునః!
దేవదానయత్నేన ప్రసూతామృతమంథనే!!
౨౬. ఏవం యదాజగత్స్యామీ దేవదేవో జనార్దనః!
అవతారం కరోత్యేషా తదా శ్రీస్తత్సహాయినీ!!
౨౭. పునశ్చ పద్మా సంభూతాహ్యాదిత్యో భూద్యదా హరిః!
యదాచ భార్గవోరామ స్తదాభూద్ధారిణీ త్వియమ్!!
౨౮. రాఘవత్వేభవత్సీతా రుక్మిణీ కృష్ణ జన్మని!
అన్యేషు చావతారేషు విష్ణోరేపానపాయినీ!!
౨౯. దేవేత్వే దేవదేహేయం మనుష్యత్వే చ మానుషీ!
విష్ణోర్దేహాను రూపాంవై కరోత్యేషాత్మ సంతతం!!
౩౦. యస్త్వేతచ్చ్రుణుయా జ్జన్మ లక్ష్మ్యా యశ్చ పఠెన్నరః!
శ్రియాన విచ్యుతి స్తస్త్యగృహే యావత్కుల త్రయమ్!!
౩౧. పఠ్యతే యేషు చైవైతేషా గృహేషు శ్రీకథా మునే!
అలక్ష్మీ: కలహాధారా న తేష్వాస్తే కదాచన!!
౩౨. ఏతత్తే కథితం సర్వం యన్మాంత్వం పరిపృచ్ఛసి!
క్షీరాబ్ధౌ శ్రీరథా జాతా పూర్వం భ్రుగుసుతా సతీ!!
ఇతి సకలవిభూత్యవాప్తి హేతుః స్తుతి రియ మింద్రముఖోద్గతా హి లక్ష్మ్యాః!
అనుదిన మిహ పఠ్యతే నృభి ర్యై ర్వసతి నతేషు కదాచిదప్యలక్ష్మీ:!!
ఇంద్ర కృత లక్ష్మీస్తోత్రం విష్ణు పురాణ అంతర్గతం